यदि तपाई परिक्षा नदिइ त्यो पनि फस्ट डिभिजनमा एमबिए गर्ने सोचमा हुनुहुन्छ भने यो पढ्नुहोस्

भारतको इन्दोर कर्पोरेट कल्चरमा मास्टर अफ बिजनेस एडमिनिस्ट्रेशन (एमबिए) गर्नको लागि अाज पनि विद्यार्थीहरुको ठूलो सपना हुन्छ । यस्तो सपना बेच्नको लागि पर्याप्तमात्रामा संथाहरुले दुकान खोलेका हुन्छन् । डिस्टेन्स एमबीएको नाममा खुलेअाम डिग्रीको खरीद बिक्री भइरहेको छ । यति सम्म की विद्यार्थीहरु खुलेअाम चिट चोर्न पाइने र पासहुने ग्यारेन्टी नै दिइन्छ । यस्तै एउटा एउटा संस्थाको डिग्री खरिद बिक्रीको पर्दाफास भएको छ । जब एउटा पत्रिका रिपोर्टरले बिद्यार्थी बनेर उक्त संथामा कुराकानी गर्दछन् तब यि सब कुराको पर्दाफास हुन्छ ।
विजयनगरमा संचालित कृष्णा इन्स्टिट्यूट अफ रिसर्च टेक्नोलोजी एण्ड म्यानेजमेन्ट मा एमबीए गर्नको लागि खुलेअाम चिट चोर्न पाउने छुट भएको खुलासा गरेका छन् । त्यति मात्र नभइ जसले परीक्षामा चिट चोर्न सक्दैन या पाउँदैन उसलाई चार हजार रुपैया प्रति सेमेस्टरको दरले परिक्षा दिने नक्कली परिक्षार्थीको उपलब्ध समेत गराउने गरिन्छ । संस्थानका एक्जुक्यटिभ सोनम र संचालक नीलेश यादवले आफूले चाहे जस्तो डिग्री दिलाउने दावा समेत गरे ।

बिद्यार्थी बनेर गएका पत्रकार सँगको कुराकानी हेर्नुहोस्

पत्रकार (बिद्यार्थीको भेषमा) :- म इभेन्ट कम्पनीमा काम गर्छु त्यसैले प्रमोशनको लागि एमबीए गर्न चाहन्छु ।

एक्जूकेटिभ - यस्ता धेरै यूनिवर्सिटी छन् जसबाट हामी तपाईलाई डिस्टेन्स एमबीए गराउँछौ।

पत्रकार (बिद्यार्थीको भेषमा) :- परिक्षा सेन्टर कहाँ हुन्छ ?

एक्जूकेटिभ - यही हुन्छ कुनै स्कुलमा सेन्टर बनाउँछौ । गएको परीक्षा प्रेस्टीज कलेजको सामु भएको एउटा स्कुलमा भएको थियो ।

पत्रकार (बिद्यार्थीको भेषमा) :- पढाइ गर्न ज्यादै गाह्रो छ । पास हुन्छ भन्ने के ग्यारेन्टी छ?

एक्जूकेटिभ - सर, कोर्स सजिलो छ । हामीहरु पुरै कोर्स मटेरियल उपलब्ध गराउने छौ । तपाई परिक्षा सेन्टरमा किताब सहित जानुहोस् ढुक्कसँग निकालेर परिक्षा दिनुहोस् ।

पत्रकार (बिद्यार्थीको भेषमा) :- अनुगमनमा कोहि अाउँदैन?

एक्जूकेटिभ - हाम्रो सेन्टरमा ४०० देखी ५०० विद्यार्थी हुन्छन् । अाज सम्म कुनै समस्या अाएको छैन ।

पत्रकार (बिद्यार्थीको भेषमा) :- किताब हेरेर पनि लेख्न सकिन भने के हुन्छ? म फेल खान्छु ?

एक्जूकेटिभ - तपाईलाई यति धेरै डर लागिरहेको छ भने हामी लेख्नको लागि तपाईको सट्टा अर्को कसैलाई तपाईको परिक्षा दिन पठाउँछौ । परीक्षा भन्दा अगाडी हातले लेख्न नमिल्ने भनि नक्कली मेडिकल रिपोर्ट बनाएर पठाएपछि मिल्छ सबै कुरा ।

पत्रकार (बिद्यार्थीको भेषमा) :- के लेख्नको लागि मान्छे मैले खोज्नुपर्छ ?

एक्जूकेटिभ - अंह, लेख्ने मान्छे परिक्षा सेन्टरमै अलर्ट बसेको हुन्छ । उसले यस्तरी लेख्ने छ कि तपाईको ६५ प्रतिशत देखि ७५ प्रतिशत अंक पक्का मिल्नेछ । यसको लागि परिक्षामा लेख्ने राइटरको लागि एक सेमेस्टरमा ४ हजार रुपैया छुट्टै एक्स्ट्रा लाग्नेछ ।