सरकारी साधानलाई वितरण गर्ने पेट्राेलियम पदार्थ खाेसेर जनतालाई बाड्ने चेतावनी

सरकारी सवारी साधानलाई मात्र इन्धन वितरण गर्ने अायल निगमकाे कार्यबाट अाक्राेसित बनेकाे नेकपा माअाेवादीले पेट्रोलियम पदार्थकाे अापूर्तिलाई सहज बनाउन नेपाल आयलसँग माग गरेकाे छ । माओवादीका काठमाडाैँ जिल्लाका सेक्रेटरी  पुष्कर श्रेष्ठको नेतृत्वमा गएको टोलीले इन्धनको सहज आर्पुर्ति गर्न माग गर्दै निगमका कार्यकारी निर्देशक गोपाल खड्कालाई ध्यानकर्षण पत्र बुझाएको हो ।

इन्धन अापूर्ति नुहुँदा जनताकाे दैनिकी चल्न छाेडेकाे भन्दै माअाेवादीले वैकल्पिक व्यवस्था गरेर भएपनि जनजीवनलाई सहज बनाउनु ध्यानाकर्षण गराएकाे छ । ‘अापूर्ति राेकिँदा जनताकाे चुलाे बल्न छाेडेकाे छ, भारतबाट अापूर्ति गर्न नसकिने भए वैकल्पिक व्यवस्था गर्नुहाेस्’ निगम अधिकारी समक्ष सेक्रेटरी श्रेष्ठले भने । उनले तत्काल अापूर्ति नगरि बसे अाफूहरुले कडा अान्दाेलन गर्ने बताए ।

माओवादीकाे ध्यानकर्षण पत्र बुझदै निगमका कार्यकारी निर्देशक खड्काले अघोषित नाकाबन्दी पश्चात इन्धनको समस्या भएकाले त्यसबारे सम्बन्धित निकायलाई जानकारी गराइसकेको बताए । दशैंलाई मध्यनजर गर्दै सार्वजनिक सवारीलाई प्राथमिकताका साथ इन्धन उपलब्ध गराएको खड्काले जानकरी गराए । कार्यकारी निर्देशक खड्काले निगमको काम इन्धन वितरण गर्ने मात्र भएकाे भन्दै अापूर्ति सहज बनाउन सरकार समक्ष माग गरेको बताए । माओवादीले दसैं र तिहारका मुखमा पनि जनताकाे कुनै मतलव नगरेर आयल निगमले सरकारी सवारी साधनलाई मात्र इन्धन दिएको भन्दै आपत्ती जनाएको छ । सर्वसाधारणकाे अावश्यकतालाई ध्‍यान नदिए सरकारी साधानलाई वितरण गर्ने पेट्राेलियम पदार्थ खाेसेर जनतालाई बाड्ने चेतावनी समेत दिएकाे छ । स्रोत: अनलाइनडबली