के तपाईलाई थाहा छ पितृ दोष भनेको के हो? (श्राद्धको अर्थ अनि जानकारी)

हिन्दु धर्ममा श्राद्धको व्यवस्था यसकारण ले गरिन्छ कि मानिस बर्षमा एक पटक आफ्नो पितृ (मरेर गएका आफ्नो पुर्खा) हरुलाई याद गरेर उनिहरु प्रति आफ्नो श्रद्धा व्यक्त गरुन् । श्राद्धको अर्थ आफ्नो पितृहरु प्रति व्यक्त गरिने श्रद्दा हो । जुन व्यक्तिको कुण्डलीमा पितृ दोष हुन्छ त्यस्तो व्यक्तिलाई पनि श्राद्ध को समय विशेष हुन्छ । किनकि यो १६ दिनमा गरिने कर्मको आधारमा पितृ दोषबाट मुक्ति पाउन सकिन्छ । धर्म ग्रन्थको अनुसार, जो व्यक्ति श्राद्ध को समयमा आफ्तो पितृलाई तर्पण, पिण्डदान वा श्राद्ध गर्दैन त्यस्तो व्यक्तिलाई बिभिन्न किसिमको समस्याहरु आउने गर्छ त्यस्तो लाई पितृदोष भनिन्छ ।

पितृदोष लाग्दा हुने समस्याहरु -

१. कुण्डलीमा पितृ दोष भएका व्यक्तिहरुलाई सन्तान हुनमा समस्या आउँछ । कतिपय अवस्थामा त सन्ताननै पैदा हुँदैन यदि भइहाले पनि जीवनमै संकट आउने हुन्छ ।

२. पितृदोष हुनाले जहिले पनि अार्थीक संकट भइरहन्छ ।कुनै न कुनै प्रकारले धनको हानी भइरहन्छ ।

३. पितृदोष भएका व्यक्तिहरुले विवाहका लागि धेरै प्रकारको समस्याहरु झेल्नुपर्ने हुन्छ ।

४. घर-परिवारमा कुनै न कुनै कारणले झगडा भइरहन्छ । परिवारका सदस्यहरुमा मनमुटाव भइरहन्छ ।

५. पितृदोषका कारण लामो समय सम्म मुद्दा खेपिरहनुपर्ने, कुनै पनि कारणले मुद्दामा फसीरहेने हुन्छ ।

६. पितृदोषका कारण परिवारको एक न एक जना निरन्तर बिरामी भइरहने हुन्छ । जु बिमारी चाँडै निको हुने हुँदैन ।

७. पितृदोषका कारण कन्याको विवाहमा धेरै समस्या झेल्नुपर्ने हुन्छ । या त कन्याको विवाह छिटो हुन पाउँदैन र खोजेको जस्तो वर पनि मिल्दैन ।

माथि दिइएको कुनैपनि बाधा पितृदोषको कारण हुन् । नियमापूर्वक श्राद्ध गर्दा यसको निवारण हुन्छ ।