बाबा समाधीमा बस्दा निधारमा टिका थियो तर निस्कदा भने निधार कसरी खाली भयो ?(भिडियो)

पोखरा रामघाटस्थित नरनारायण आश्रममा नौ दिनसम्म बिना अक्सिजन भूसमाधिपछि सिद्धबाबा श्री वैष्णव कृष्णदासजी महाराज श्री रामानन्दचार्य ब्युँतिएपछि पोखरेलीहरु कोही चकित भए भने कोही शंकामा डुब्न थालेका छन् । किनभने उनि समाधिमा बस्ने बेला उनको निधारमा टिका थियो भने निस्कने बेला निधारमा कुनै किसिमको टिकाको दाग समेत थिएन ।

सिद्धबाबाको शक्ति र भक्तिमा विश्वास गर्ने श्रद्धालुमात्रै हैन ‘जिउँदै निस्केलान् र ?’ भन्नेहरुको भीडले आश्रम परिसरमा बिहानैदेखि खुट्टा टेक्ने ठाउँ थिएन । सिद्धबाबाले शुक्रबार बिहान ९ बजेर ३५ मिनेटमा निस्कने बताएका थिए । तर निर्धारित समयभन्दा करिब २० मिनेटपछि बाबा निस्किए । उनको अनुहारमा थकान थिएन । मुहारको कान्तिमा कुनै कमी थिएन ।

समाधिबाट उठेपछि पञ्चमृत पिए । र, केहीबेर पछि विश्राम लिन उनी भित्र पसे । भक्तजनको जयजयकारबीच बाबा शान्त र सौम्य देखिएका थिए । फरक थियो त केवल उनका अस्तव्यस्त र जिग्रिङ्ग परेका कपाल ।

बाबा समाधिमा लीन भएपछि विज्ञान र चमत्कारसँगै ढोंगी र छल शब्दले निकै चर्चा पायो । स्थानीय गनेस पौडेल र माधव पहारीले सामाजिक सञ्जालमा जोगी र ढोंगी भन्दै बाबाले ‘छल’ गरेको स्टाटस लेखे । र, उनीहरुसँगै, यो छल नै हो भन्नेको जमात पनि पोखरामा ठूलो छ ।

भारतका शक्तिपीठ र हिमाली भेगमा तपस्या गरेर ज्ञान प्राप्त गरेका रामानन्दाचार्य नेपालमा पहिलो पटक २०६५ सालको रामनवमीमा सुनसरीको चतरामा भूमि समाधि बसेका थिए । त्यसपछि उनी चर्चामा आएका हुन् । भारतमा ज्ञान प्राप्त गरे पनि उनी नेपाली हुन् । गत बडादशैंको नवरात्रीमा उनले मुक्तिनाथमा भूसमाधि बसेका थिए ।

आफ्ना नजिकका समर्थकलाई समेत थाहै नदिइ उनी मुक्तिनाथ पुगेका थिए । विज्ञानलाई नै चुनौती दिने गरी सिद्धबाबा कृष्णदास गत चैत २६ गते शुक्रबार रामघाटस्थित नरनारायण बाबा आश्रममा समाधिमा बसेका थिए । हेर्नुहोस् भिडियो

समाधीमा बस्दा

समाधीबाट बाहिर निस्कँदा