मोदी सरकारले महिलाहरुको लागि लन्च गरे कण्डम (प्रयोग गर्ने तरिकाको भिडियो सहित)

नेपाल लगायत भारतमा पहिले पनि महिला कण्डमहरु उपलब्ध थियो तर यसपटक भने भारतमै उत्पादन हुनेगरी पहिलो पटक महिलाहरुको लागि कण्डम लन्च गरिएको छ । भारतका केन्द्रिय स्वास्थ्य एवं परिवार कल्याण मन्त्री जे.पी. नड्डाले गएको मंगलबार महिला कण्डमको लन्च गरेका थिए । यो कण्डमलाई एचएलएल लाइफकेयर लिमिटेड (एचएलएल) ले 'वेलविट' ब्राण्डको नामबाट बनाएको हो । जसलाई दिल्लीमा आयोजित दुई दिवसीय राष्ट्रिय परिवार नियोजन शिखर सम्मेलनको क्रममा लन्च गरिएको छ ।

मन्त्रि नड्डा भन्छन्, 'महिला कण्डम पूर्णरुपमा सुरक्षा प्रदान गर्दछ र महिलाहरुलाई सुरक्षित यौन सम्बन्ध बनाउन मद्दत गर्नेछ । महिला कण्डम महिलाहरुलाई सशक्त बनाउँछ । यो महिलामा हुने गर्भनिरोधक विधि हो जसले गर्भधारणको रोकथाम गर्नुका साथै एचआईभी  एड्स बाट पनि सुरक्षा प्रदान गर्दछ ।

महिला कण्डमको नयाँ लेटेक्स एडिशनको डिजाइन तयार भैइसकेको छ र यसलाई भारतको केरलमा तिरुवनन्तपुरम स्थित एचएलएलका अनुसन्धान एवं विकास केन्द्रका बैज्ञानिकहरु द्वारा आफ्नै देशमा विकास गरिएको हो । वेलभिटलाई यो बर्ष २०१६ मार्चमा डब्ल्यूएचओ र यूएनएफपीए द्वारा पहिले नै योग्य भएको जनाइएको थियो ।

हेर्नुहोस् महिला कण्डम कसरी प्रयोग गर्ने भिडियोमा हेर्नुहोस्